呢篇本來係打嚮我個love.sina嘅日記入面

不過都放埋上呢度先~嘻嘻~

放工時搭小巴又遇到d事.....
喺靜英英嘅車箱入面，無啦啦有一男一女喺度嗌交
仲越嗌越大聲，其實係為左d好少嘅事
女話男逼住佢，男話女講d唔知咩英文鬧佢
就係咁咋嘛~就搞到你一言我一語咁喇
唉~都唔明點解十幾分鐘嘅車程
都要搞到勞勞氣氣，嗌交嘅人又唔會特別開心

個女人臨落車時用左唔知幾多個字嘅粗口鬧個男人
下~~~~~~咁就真係有點兒那個呢~~~
兩個成年人為左少少嘅事就嘈起上嚟
一d都唔識得控制下自己嘅情緒，真係覺得有d問題囉~
其中一方仲發難爆粗添，真係連小朋友都知道唔應該啦！！！
而且嗌完交之後都唔可以立即平伏情緒
咁辛苦又何必呢！？
生活上遇到少少嘅事就大動肝火，長此落去.....真係會短命d呀~

想長命d就記得開心d，唔好事事都謹謹於懷
唔需要為左d無謂人、無謂事而勞氣
因為前面實在會有好多未知嘅事情將會發生！