即使我知道...在你的選擇名單裡，我只是個不起眼的一個
但我仍希望...那天晚上，我是你第一個想起的人...
唔知幾時開始，覺得有d嘢，唔需要睇得咁清楚；解釋得咁明白。
有時，留番少少幻想嘅空間俾自己，總比接近真相來得輕鬆。
但人又真係好衰，明知真相會令自己傷心失望，仍然甘願去做「金田 一」。
從前嘅我，乜嘢都要知得清清楚楚，
即使係另一半去偷食俾我發現到，我都零願對方一五一十咁交待所有
實在我真係好討厭人地呃我，好怕果種俾人出賣嘅感覺
但依家諗番又真係好傻，知道得越多咁又點丫....咪一樣係唔開心
每個人都係唔同嘅個體，有唔同嘅思想行為，
我唔可以控制人，人地同樣唔可以控制我。
我亦都冇可能保證人地唔去傷害我，咁我唯有盡量唔去傷害自己，
有時知得越多反而越辛苦，唔關自己事，細節內容知道又如何丫！？
越係去尋根究底，傷口只會深，後遣症亦會越多.....
依家覺得，過左去嘅嘢，其實真係唔需要咁執著
要清楚嘅嘢真係好簡單.....
對現在嘅嘢仍然「相信」嗎?
對將來嘅嘢仍然有「憧景」嗎?
如果答案係肯定嘅，咁實在唔需要知道太多
如果答案係否定嘅，咁更加冇需要再知道過左去嘅嘢
因為當你開始長大，開始老嘅時候
你就會發覺.....估唔到，預計唔到嘅事真係會經常出現
如果成日都搵條明知係唔開心嘅路行，行到盡頭先識得番轉頭
咁就真係.........弊弊弊！
呢篇本來係打嚮我個love.sina嘅日記入面
不過都放埋上呢度先~嘻嘻~
放工時搭小巴又遇到d事.....
喺靜英英嘅車箱入面，無啦啦有一男一女喺度嗌交
仲越嗌越大聲，其實係為左d好少嘅事
女話男逼住佢，男話女講d唔知咩英文鬧佢
就係咁咋嘛~就搞到你一言我一語咁喇
唉~都唔明點解十幾分鐘嘅車程
都要搞到勞勞氣氣，嗌交嘅人又唔會特別開心
個女人臨落車時用左唔知幾多個字嘅粗口鬧個男人
下~~~~~~咁就真係有點兒那個呢~~~
兩個成年人為左少少嘅事就嘈起上嚟
一d都唔識得控制下自己嘅情緒，真係覺得有d問題囉~
其中一方仲發難爆粗添，真係連小朋友都知道唔應該啦！！！
而且嗌完交之後都唔可以立即平伏情緒
咁辛苦又何必呢！？
生活上遇到少少嘅事就大動肝火，長此落去.....真係會短命d呀~
想長命d就記得開心d，唔好事事都謹謹於懷
唔需要為左d無謂人、無謂事而勞氣
因為前面實在會有好多未知嘅事情將會發生！
